Միացյալ Նահանգների վարչակազմը պլանավորում է Ուկրաինային ավելի քան 650 մլն դոլարի ռազմական օգնության նոր փաթեթ հատկացնել, որում, մասնավորապես, կներառվեն Harpoon հականավային թևավոր հրթիռները: ТАСС-ի փոխանցմամբ՝ այս մասին չորեքշաբթի հայտնել է Bloomberg գործակալության լրագրող Ջենիֆեր Ջեյքոբսը՝ վկայակոչելով իր աղբյուրները։
«Բայդենի վարչակազմը ծրագրում է մեծացնել զենքի և ռազմական տեխնիկայի ֆինանսավորումը Ուկրաինայի համար, հայտնել են աղբյուրները: Այդ տրանշը կկազմի ավելի քան 650 մլն դոլար: Դրանում առաջին անգամ կներառվեն Harpoon հականավային հրթիռները»,- ասված է Twitter-ում Ջեյքոբսի հրապարակման մեջ:
Մայիսին ԱՄՆ-ի նախագահ Ջո Բայդենը ստորագրել էր Ուկրաինային այդ գումարից մոտ 40 մլրդ դոլարի լրացուցիչ օգնություն տրամադրելու մասին օրենքը, ինչպես ենթադրվում է, մոտ 20 մլրդ դոլարը կգնա անմիջապես ռազմական օգնությանը: