Թուրքիան կաջակցի Հյուսիսատլանտյան դաշինքին անդամակցելու Ֆինլանդիայի և Շվեդիայի հրավերին, հայտնել է Ֆինլանդիայի նախագահի գրասենյակը:
Երեքշաբթի Ֆինլանդիայի նախագահ Սաուլի Նիինիստեն Մադրիդում բանակցություններ է վարել Թուրքիայի նախագահ Ռեջեփ Թայիփ Էրդողանի և Շվեդիայի վարչապետ Մագդալենա Անդերսոնի հետ՝ ՆԱՏՕ-ի գլխավոր քարտուղար Յենս Ստոլտենբերգի աջակցությամբ:
«Այդ հանդիպման արդյունքում մեր երկրների արտաքին գործերի նախարարները եռակողմ հուշագիր են ստորագրել, որը հաստատում է, որ Թուրքիան Մադրիդի գագաթնաժողովում կաջակցի ՆԱՏՕ — ի անդամ դառնալու Ֆինլանդիայի և Շվեդիայի հրավերին», – հայտարարել են Նիինիստեյի գրասենյակից:
Երկու նոր երկրների անդամակցության կոնկրետ քայլերը կհամաձայնեցվեն հաջորդ երկու օրերի ընթացքում:
