Շրի Լանկայում առնվազն 50 մարդ վիրավորվել է Կոլոմբոյի ծովափին գտնվող ցուցարարների վրանային ճամբարի ուժայինների կողմից քանդման ժամանակ: Այս մասին հայտնում է TACC-ը՝ վկայակոչելով India Today թերթը։
Ցուցարարների խոսքով՝ «անվտանգության հարյուրավոր աշխատակիցներ կեսգիշերից հետո շրջափակել են «Gotta Go Gama» ճամբարը, ապա՝ ապամոնտաժել դրա մի մասը»։
50 վիրավորների թվում, որոնցից երկուսը հոսպիտալացվել են, մի քանի լրագրող կա։
Մինչդեռ, ըստ Կոլոմբոյի ոստիկանության հայտարարության, ցուցարարների ճամբարը, որը գտնվում էր նախագահականի քարտուղարության շենքի մոտ, տեղափոխվել է, որպեսզի երկրի ղեկավարը կարողանա այնտեղ հասնել աշխատանքային օրվա սկզբին։
Շրի Լանկայում արևմտյան մի շարք երկրների դեսպանատներ մտահոգություն են հայտնել ցուցարարների նկատմամբ իրավապահների գործողությունների վերաբերյալ՝ կոչ անելով իշխանություններին ապահովել խաղաղ ցույցերի իրավունքը։
Անվտանգության ուժերն ավերել են վրանային քաղաքը Շրի Լանկայի նորընտիր նախագահ և նախկին վարչապետ Ռանիլ Վիկրամասինգեի նախագահական երդումն ապահովելու, որ պաշտոնապես դառնա Շրի Լանկայի ղեկավարը։ Նա խոստացել է խիստ միջոցներ կիրառել այն ցուցարարների նկատմամբ, ովքեր «բռնի գործողություններ» են անում։
Հիշեցնենք, որ հուլիսի 9-ին ցուցարարների հսկայական ամբոխը գրավել էր նախագահի և վարչապետի նստավայրերը։ Անկարգությունների ժամանակ զոհերի թիվը գերազանցել է 100-ը։