Ուկրաինան ինքնուրույն պետք է որոշի հակամարտության դադարեցման պայմանները: Ինչպես հայտնում է TASS-ը՝ նման կարծիք է հայտնել ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը՝ Ֆրանսիական Le Journal du Dimanche թերթին:
«Հենց ուկրաինացիները պետք է որոշեն դրա պայմանները»- նշել է նա՝ միաժամանակ խոստովանելով, որ մարտական գործողությունները կարող են շարունակվել դեռ երկար ժամանակ:
Նա նաև ԵՄ-ին կոչ է արել ուժեղացնել Ուկրաինային տրվելիք աջակցությունը և բավարարել նրա ռազմական ու տնտեսական պահանջները:
Հիշեցնենք, որ փետրվարի 24-ի առավոտյան Ռուսաստանը սկսել է Ուկրաինայի ապառազմականացման և ապաշրջափակման հատուկ գործողությունը: Ուկրաինայի նախագահ Վլադիմիր Զելենսկին Մոսկվային մեղադրել է երկրի ռազմական ենթակառուցվածքների վրա հարձակվելու մեջ և Ուկրաինայի ամբողջ տարածքում ռազմական դրություն է մտցրել՝ խզելով դիվանագիտական հարաբերությունները ՌԴ-ի հետ:
