79 տարի ամուսնացած ամերիկացի ամուսինները մահացել են նույն օրը՝ մի քանի ժամվա տարբերությամբ, գրում է Daily Mail-ը։ Նրանց երեխաների խոսքով՝ ծնողները երբեք չեն կռվել և երջանիկ կյանքով են ապրել։
Ինչպես գրում են տեղական ԶԼՄ-ները, Գոհաբանության օրվանից հետո Ջուն Մալիկոտեն ծանր հիվանդացել է և հայտնվել հիվանդանոցում։ Նրա ամուսինը՝ Հյուբերտը, այնքան էր անհանգստանում կնոջ վիճակի համար, որ նրա առողջությունը նույնպես կտրուկ վատացել էր. նա հոսպիտալացվել էր Օհայոյի նույն կլինիկայում։
Ամուսինները նույն հիվանդասենյակում են եղել և հինգ օր գիտակցության մեջ են եղել։ Վեցերորդ օրը Հյուբերտը մահացել է քնի մեջ, դրանից 20 ժամ անց Ջունը մահացավ: Զույգի որդու՝ 76-ամյա Սեմի խոսքով՝ նրա ծնողներն ապրել են երջանիկ ու արժանապատիվ կյանքով։
«Նրանք միասին երկար, երջանիկ կյանք են ապրել և նվիրված են եղել Աստծուն և ընտանիքին», — ավելացրել է տղամարդը:
Ջունն ու Հյուբերտը ունեցել են երեք երեխա, յոթ թոռ և 11 ծոռ։