Քանյե Ուեսթը իր ավագ դստերը՝ Նորթին, ծանոթացրել է նոր կնոջ՝ Բիանկա Սենսորիի հետ։ Այս մասին հայտնում է Daily Mail-ը։
45-ամյա Քանյե Ուեսթը, նրա նոր կինը՝ 27-ամյա Բիանկա Սենսորին և ռեփերի 9-ամյա դուստրը՝ Քիմ Քարդաշյանը, հայտնվել են պապարացիների տեսախցիկների ներքո՝ Կալիֆոռնիայի Մալիբու քաղաքում գտնվող Nobu ռեստորանում ընթրիքի ժամանակ: Լրագրողների տվյալներով՝ թիկնապահները Նորթին իջեցրել են ռեստորանի մոտ, որտեղ նրան դիմավորել է հայրն իր նոր կնոջ հետ։
Հունվարի 13-ին հայտնի դարձավ, որ Քանյե Ուեսթը գաղտնի ամուսնացել է իր Yeezy ապրանքանիշի աշխատակցուհի Բիանկա Սենսորիի հետ։ ԶԼՄ-ների տվյալներով՝ նրանք պաշտոնապես չեն կնքել իրենց ամուսնությունը, սակայն տոնակատարությունն արդեն կայացել է, իսկ ռեփերն ու նրա նոր կինը կրում են ամուսնական մատանիներ։ Մի քանի օր անց Daily Mail-ի լրագրողները պատմել են, որ գաղտնի հարսանիքից հետո Ուեսթը և Սենսորին մեղրամսի են մեկնել շքեղ հանգստավայր, որը գտնվում է ԱՄՆ-ի Յուտա նահանգում: Նորապսակները մինչ այժմ ոչ մի կերպ չեն մեկնաբանել իրենց հարաբերությունները, չնայած այն բանին, որ Քանյեն վերջերս թողարկել է Censori Overload երգը։
