Հնդկաստանի ռազմածովային ուժերը մարտի 7-ին կազմակերպել և իրականացրել են միջին հեռահարության «երկիր-օդ» հրթիռի փորձարկումներ։ Այս մասին հայտնում է The Times of India-ն։
Հնդկաստանի ռազմածովային ուժերի ներկայացուցչի խոսքով՝ հրթիռն արձակվել է Visakhapatnam վերջին կործանիչից՝ նավի հրթիռային և հրետանային համակարգերը փորձարկելու նպատակով։ Նշվում է, որ փորձարկումը հաջողությամբ է ավարտվել։
MRSAM հրթիռը պատրաստվել է Հնդկաստանի պաշտպանական հետազոտությունների և զարգացման կազմակերպության կողմից։ Այս հրթիռը նախատեսված է ուղղաթիռներ, ինքնաթիռներ, անօդաչու թռչող սարքեր ոչնչացնելու, ինչպես նաև այլ երկրների հականավային հրթիռները որսալու համար։
Այս պահին Հնդկաստանի ռազմածովային ուժերի զորավարժությունների մասին այլ մանրամասներ չեն հաղորդվում, իսկ պաշտպանության ոլորտում ուժերի հաջորդ պլանների մասին տեղեկություններ չկան։
