Թուրքիայի մաքսային համակարգն արգելափակում է դեպի Ռուսաստան պատժամիջոցային բեռների տարանցման ձևակերպումը, հայտնել է «Коммерсант»-ը՝ վկայակոչելով շուկայի մասնակիցներին:
Պարբերականի զրուցակիցների խոսքով՝ խնդիրներ են առաջացել պատժամիջոցների ենթարկված ապրանքների տարանցման ժամանակ, որոնք Ռուսաստան են գնում զուգահեռ ներմուծման սխեմաներով: Transasia Logistics ընկերության կոմերցիոն տնօրեն Վալերիա Սավենկովան նշել է, որ Թուրքիայի իշխանությունները պաշտոնական հրամաններ և որոշումներ չեն հրապարակել, քանի որ այդ դեպքում նրանք ստիպված կլինեին ճանաչել Ռուսաստանին պատժամիջոցային արտադրանք մատակարարելու փաստը:
Պարբերականի որոշ զրուցակիցներ պատժամիջոցների բեռների տարանցման դադարեցումը կապում են ԱՄՆ պետքարտուղար Էնթոնի Բլինքենի՝ վերջերս Թուրքիա կատարած այցի հետ: «Коммерсант»-ը նշում է, որ Financial Times-ի տվյալներով՝ Թուրքիայի վրա ճնշում են գործադրում նաև ԱՄԷ-ն, որը դարձել է Ռուսաստանին էլեկտրոնիկայի գլխավոր մատակարարը: 2022 թվականին ԱՄԷ — ն յոթ անգամ ավելացրել է Ռուսաստան էլեկտրոնիկայի արտահանումը՝ գրեթե մինչև 300 միլիոն դոլար: Ռուսաստանի և Թուրքիայի ապրանքաշրջանառությունը 2022 թվականի հունվարից սեպտեմբեր աճել է երկու անգամ և հասել 45 միլիարդ դոլարի: