Հնդկական Բհարատպուր քաղաքում աղջիկ է ծնվել 26 մատով՝ ձեռքերին ունի յոթ մատ, իսկ ոտքերին՝ վեց։ Այս մասին հայտնում է The New York Post-ը։
Բժիշկներն ասում են, որ երեխան հազվագյուտ գենետիկ շեղում ունի: Իսկ ծնողները կարծում են, որ իրենց դստեր ծնունդը «հինդու աստվածուհի» Դևիի երկրորդ գալուստն է, որի տաճարը գտնվում է ծննդավայրից ոչ հեռու։ Ենթադրվում է, որ այս մայր աստվածուհին՝ հինդուիզմի աստծո իգական ձևը, ունի ութ ձեռք։
«Քույրս 26 մատով երեխա է լույս աշխարհ բերել, և մենք հավատում ենք, որ սա Դևիի մարմնավորումն է: Մենք շատ ուրախ ենք»,- հույզերով կիսվել է նորածնի հորեղբայրը։
Դեռևս հայտնի չէ, թե արդյոք ծնողները կցանկանան վիրահատության միջոցով հեռացնել երեխայի ավելորդ մատները։ Բժիշկները նշում են, որ այս անոմալիան ոչ մի վտանգ չի ներկայացնում աղջկա համար, նա բացարձակ առողջ է։
