ԱՄՆ նախագահ Ջո Բայդենը «ճնշում կգործադրի» Չինաստանի նախագահ Սի Ցզինպինի վրա՝ Իրանի հարցով, գրում է Politico-ն՝ հղում անելով ամերիկյան վարչակազմի անանուն բարձրաստիճան ներկայացուցիչներին։
Հրատարակության զրուցակիցն ասել է, որ Բայդենը ցանկանում է համոզել չինական կողմին ազդել Իրանի վրա, որպեսզի այն «չձգտի Մերձավոր Արևելքում բռնություն սաստկացնել կամ տարածել»։ Պաշտոնյայի խոսքով՝ Վաշինգտոնը վճռական է անհապաղ արձագանքել Թեհրանի ցանկացած «սադրիչ գործողության»։
«Բայդենը կընդգծի մեր ցանկությունը, որ Չինաստանը հստակ լինի Իրանի հետ հարաբերություններում, որպեսզի Թեհրանը չփորձի մեծացնել կամ տարածել բռնությունը Մերձավոր Արևելքում»,- թերթը մեջբերում է ԱՄՆ վարչակազմի անանուն բարձրաստիճան պաշտոնյայի խոսքերը:
Իրանի հետ Չինաստանի հարաբերությունները լինելու են Սի Ցզինպինի հետ Բայդենի «բարդ զրույցի» մի մասը, թերթը մեջբերում է ԱՄՆ վարչակազմի մեկ այլ բարձրաստիճան պաշտոնյայի խոսքերը։ Այս զրույցը կշոշափի ԱՄՆ-Չինաստան հարաբերությունների բոլոր առանցքային հարցերը։
