Տեղի է ունեցել ԱՄՆ նախագահի թեկնածուներ Հարիսի և Թրամփի առաջին բանավեճը

ԱՄՆ նախագահական ընտրություններին ընդառաջ տեղի է ունեցել թեկնածուներ ԱՄՆ փոխնախագահ Քամալա Հարիսի և ԱՄՆ նախկին նախագահ Դոնալդ Թրամփի առաջին բանավեճը, գրում է Interfax-ը։

Բանավեճի ընթացքում Թրամփը վերահաստատել է ուկրաինական ճգնաժամին վերջ դնելու խոստումը։

«Եթե ինձ նախագահ ընտրեն, կհասնեմ Ուկրաինայի և Ռուսաստանի միջև պատերազմի դադարեցմանը»,- հայտարարել է Թրամփը։

Հարիսը հանդես է եկել Գազայում ռազմական գործողությունների ավարտի օգտին։

«Պատերազմը պետք է ավարտվի»,- ասել է Հարիսը։

Բանավեճից հետո Հարիսը նշել է, որ պատրաստ է Թրամփի հետ բանավեճի երկրորդ փուլն անցկացնել հոկտեմբերին։

Օգոստոսի 6-ին Հարիսը պաշտոնապես առաջադրվել էր որպես ԱՄՆ Դեմոկրատական կուսակցության նախագահի թեկնածու։

Հուլիսի 21-ին գործող նախագահ Ջո Բայդենը հայտարարել էր մրցապայքարից դուրս գալու մասին։ Դեմոկրատական ​​կուսակցության ներկայացուցիչները Բայդենին փոխարինող գտնելու անհրաժեշտության մասին սկսել էին խոսել Թրամփի հետ հեռուստաբանավեճում 81-ամյա նախագահի անհաջող ելույթից հետո։

Հուլիսի 27-ին Հարիսը հայտարարել էր որպես նախագահի թեկնածու առաջադրվելու մասին։

ԱՄՆ-ում նախագահական ընտրությունները կանցկացվեն 2024 թվականի նոյեմբերի 5-ին։