ՄԱԿ-ի գլխավոր քարտուղար Անտոնիու Գուտերեշը, ելույթ ունենալով Գլխավոր ասամբլեայի առաջին նիստի 75-ամյակին նվիրված միջոցառմանը, այս տարին համեմատել է 1945-ի հետ: Այս մասին փոխանցում է ՌԻԱ «Նովոստի»-ն։
«Այսօրվա պատերազմն ընթանում է միկրոսկոպիկ վիրուսի դեմ։ Վաղը կարող է սկսվել կիբերտարածքում՝ ահաբեկիչների դեմ։ Եվ մենք դեռ պարտվում ենք կլիմայի փոփոխության դեմ երկար մարտերում»,- հայտարարել է նա։
Գուտերեշի խոսքերով ՝ հակամարտությունն այլևս միայն ռազմական և տնտեսական հզորության հարց չէ:
«Միջազգային համագործակցության անհրաժեշտությունը պահպանվում է։ Մենք պետք է մեր գլոբալ համակարգը դարձնենք գլոբալ գործընկերության»,- հայտարարել է նա։
Գլխավոր քարտուղարը հիշեցրել է, որ կորոնավիրուսի համաճարակի պատճառով 88 միլիոն մարդ հայտնվել է աղքատության շեմին, իսկ 270 միլիոնին սպառնում է սննդի պակաս, և միջազգային մակարդակով «նոր գլոբալ գործարքի» կոչ է արել:
«Անհրաժեշտ է ավելի լավ իրականացնել իշխանության, ռեսուրսների և հնարավորությունների ղեկավարումը, և դրանք պետք է ավելի արդար բաշխել։ Զարգացող երկրները պետք է համաչափ դեր խաղան գլոբալ ինստիտուտներում»,- նշել է գլխավոր քարտուղարը։