Երեկ` սեպտեմբերի 14-ի երեկոյան, հայ–ադրբեջանական սահմանին, ադրբեջանական Թովուզի շրջանի Գաջալի գյուղին հարակից հատվածում ընդհանրապես կրակոցներ չեն արձանագրվել ո՛չ ՀՀ ԶՈՒ–ի, ո՛չ էլ հակառակորդի կողմից։ Այս մասին Armenia Today-ին հայտնեց ՀՀ ՊՆ մամուլի քարտուղար Շուշան Ստեփանյանը` հերքելով Ադրբեջանի տարածած հերթական կեղծ լուրը։
Նշենք, որ ըստ Ադրբեջանական ՊՆ–ի տարածած հաղորդագության` սահմանի նշված հատվածում, իբր, հայկական կողմից արձակված կրակոցի հետևանքով ադրբեջանցի զինծառայող է վիրավորվել։
Ադրբեջանի ԶՈՒ պատասխան կրակից հետո, հայկական կողմը, իբր, ստիպված է եղել դադարեցնել կրակը։