Հայաստանը շատ բան ունի առաջարկելու զբոսաշրջության ոլորտում, և հատկապես Սյունիքում: Այս մասին Սյունիքում լրագրողներին ասել է Հայաստանում ԱՄՆ դեսպան Լին Թրեյսին:
«Անվտանգության խնդիրները չափազանց արդիական են և պահանջում են վաղաժամ լուծում: Բայց զբոսաշրջիկները պետք է այցելեն Սյունիք և վայելեն այստեղի գեղեցկությունը: Ես ինքս այստեղ էի մի քանի շաբաթ առաջ և այսօր նորից եկա այստեղ: Ցանկանում եմ մեկ անգամ ևս ընդգծել զբոսաշրջության դերը: Այս ոլորտում Հայաստանը շատ բան ունի առաջարկելու, հատկապես Սյունիքի մարզում»,- ասել է Թրեյսին՝ պատասխանելով հարցին՝ կա՞ արդյոք հնարավորություն զբոսաշրջությունը զարգացնելու Հայաստանում այն պայմաններում, երբ Ադրբեջանը պարբերաբար սրում է իրավիճակը Սյունիքի մարզի սահմանամերձ շրջաններում։