Արցախի ՄԻՊ Գեղամ Ստեփանյանը տեսանյութ է հրապարակել, որը հերթական անգամ փաստում է ադրբեջանցիների կողմից հայկական պատմամշակութային հուշարձանների նկատմամբ իրականացվող վանդալիզմի մասին:
Նա, մասնավորապես, նշել է.
Միջազգային հանրության անտարբերությունն Ադրբեջանի կողմից Արցախի տարածքում հայկական մշակութային ժառանգության նկատմամբ վանդալիզի դեպքերին ուղղակի անհասկանալի ու անընդունելի է:
Գրեթե ամենօրյա հաճախականությամբ մենք ականատես ենք լինում, թե ինչպես են պղծվում, ոչնչացվում մեր մշակութային հուշարձանները, և սա արվում է հայերի նկատմամբ կրոնական և էթնիկ ատելության բացահայտ դրսևորմամբ:
Հայկական մշակույթի նկատմամբ իրականացվող ցեղասպանությունը չպետք է անպատիժ մնա, քանզի մենք տեսել ենք, որ նման դեպքերի անպատժելիությունը ծնում է նոր չարիք աշխարհի տարբեր վայրերում: Տեսանյութում Մատաղիսի Սուրբ Եղիշե հայկական եկեղեցին է»:
