ԵԱՏՄ երկրների շուկան զարգացման բոլոր շանսերն ունի՝ հաշվի առնելով մի կողմից Ռուսաստանի ներմուծման փոխարինման կուրսի ուժեղացումը, մյուս կողմից՝ Հայաստանը, որպես դաշնակից։ Այժմ ռուս գործարարների կողմից Հայաստանը դիտարկվում է որպես գրավիչ հարթակ իր բիզնեսի ընդլայնման համար, հատկապես այն երկրներում, որոնք ազատ են Եվրամիության և ԱՄՆ – ի պատժամիջոցներից։
Տեղի գործարարները ռուսական բիզնեսի ներկայացուցիչների հետ կապեր հաստատելու նպատակով պարբերաբար հանդիպումներ են անցկացնում՝ վերջիններիս տեղեկացնելով Հայաստանում բիզնեսի ներդրման առանձնահատկությունների մասին։
Նման միջոցառումներից մեկի՝ Move2Armenia ցուցահանդեսի և համաժողովի ժամանակ Armenia Today-ի թղթակիցը զրուցել է գործարարների հետ, ովքեր մտադիր են ընդլայնել իրենց բիզնեսը մեր երկրում:
Մեր զրուցակիցների խոսքով՝ հայկական շուկան դիտարկվում է երկարաժամկետ հեռանկարում՝ հաշվի առնելով բազմաթիվ գործոններ, այդ թվում՝ տեղի բնակչության լոյալ վերաբերմունքը ռուսաստանցիների նկատմամբ։
«Ֆրանսիայում և Ամերիկայում հայկական սփյուռքի շնորհիվ Հայաստանը շատ ելքեր ունի դեպի արտաքին աշխարհ, ուստի, կարծում եմ, Հայաստանում բիզնեսն այժմ ռուսաստանցիների համար շատ առաջնային է, առավել ևս հաշվի առնելով ռուսաստանցիների հանդեպ հայերի լոյալ վերաբերմունքը», – նշել է մեր զրուցակիցը:
Եվրոպական երկրների պատժամիջոցների և Ռուսաստանից դեպի ԵՄ երկրներ չվերթների կրճատման ֆոնին Ռուսաստանից Հայաստան տուրուղիներն ավելացել են:
Հայաստան ժամանող ռուսաստանցիներից շատերն այստեղ հաշիվներ են բացում, որպեսզի պարզեցնեն փոխանցումները։ Այսպես, կենտրոնական բանկի տվյալներով, մարտի 2-ից 14 – ն ընկած ժամանակահատվածում նրանք Հայաստանում բացել են մոտ 6 500 բանկային հաշիվ։
