Ահազանգ է ստացվել, որ Սասունցի Դավիթ կայարանում ռումբեր են դրված

Այսօր՝ օգստոսի 31-ին, արտակարգ դեպք է տեղի ունեցել Երևանում։ Այս մասին հայտնում է Shamshyan.com-ը:

Ժամը 07։30-ի սահմաններում ՀՀ ոստիկանության և Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Սասունցի Դավիթ կայարանում՝ գնացքներում, ռումբեր են դրված։

Կայքը հայտնում է, որ օպերատիվորեն ժամանել են փրկարարներ, սակրավորներ։ Ժամանել են նաև ՀՀ ոստիկանության Պարեկային ծառայության Երևանի գնդի 4-րդ գումարտակի պարեկները։ Վերջիններս սահմանազատել են տարածքը։ Ժամանել են նաև Երևանի 1-03 շապօգնության բժիշկների հերթապահ խմբերից։ 

Այս պահին քաղաքացիները տարհանվել են, և կատարվում են որոնողական աշխատանքներ։ Տեղում են նաև Երևան քաղաքի վարչության և ոստիկանության Էրեբունու բաժնի օպերատիվ խմբերը։