Արցախի նախագահ Արայիկ Հարությունյանը հայտարարել է, որ այս պահին Արցախի հետ կապված որևէ փաստաթուղթ չկա սեղանին։
«Մեկ անգամ ևս անդրադառնալով թեմային՝ նշեմ, որ Արցախի հարցով այս ընթացքում բարձր մակարդակով ՀՀ իշխանությունների կողմից անցկացված բոլոր միջազգային քննարկումների մասին տեղեկացված եմ մանրամասնությամբ, քանի որ պարբերաբար տեղի են ունենում համատեղ խորհրդակցություններ։
Ընդգծում եմ, որ, ՀՀ իշխանությունների հետ ձեռք բերված պայմանավորվածության համաձայն, նրանց կողմից ստորագրվելիք՝ Արցախին առնչվող ցանկացած փաստաթղթում անպայման պետք է հաշվի առնվեն Արցախի Հանրապետության ժողովրդի շահերն ու կարծիքը։
Հավելեմ՝ առայսօր այդ համատեքստում որևէ փաստաթղթի նախագիծ անգամ առկա չէ»,-գրել է նա Facebook-յան իր էջում։
Նշենք, որ վարչապետ Նիկոլ Փաշինյանն ԱԺ-ում հայտարարել էր, որ պատրաստվում է փաստաթուղթ ստորագրել, սակայն դրանում պետք է ամբողջությամբ արտացոլվեն ՀՀ շահերը։
