Սոթքում ունենք ամբողջությամբ փլուզված ութ բնակարան, որտեղ մարդիկ չեն կարող վերադառնալ։ Այս մասին Ազգային ժողովում լրագրողների հետ զրույցում ասաց Գեղարքունիքի մարզպետ Կարեն Սարգսյանը:
«Տեղահանավածների զգալի մաս վերադարձել է, շատ քիչ ընտանիքներ չեն վերադարձել, պատճառները գնահատված են: Սոթքում ունենք ութ բնակարան ամբողջությամբ փլուզված բնակարաններ, որտեղ մարդիկ չեն կարող վերադառնալ և ապրել, բայց իրենց համար տներ ենք վարձել մինչև իրենց բնակարանների վերականգնումը»,- ասաց նա:
Մարզպետի խոսքով՝ վերջին օրերին նվազել են խախտումները, դիտորդներն իրենց պարեկային գործունեությունն են իրակնացնում, ինչը ևս ազդեցություն է ունեցել, և դա ևս պատճառ է, որ հակառակորդը նվազեցրել է կրակոցները: Նա նշեց, որ 8 դիտորդ են առաքելություն իրականացնում։
«Քարտեզների և ադրբեջանական զորքերի ներկայիս տեղակայման հարցում իրենք վստահ են, որ Հայաստանի տարածքում կան օկուպացված վայրեր և վստահ են, որ դա ադրբեջանական ագրեսիայի արդյունքում է եղել»,- ասաց Սարգսյանը և հավելեց, որ պայմանավորվել են պարբերաբար հանդիպումներ ունենալ:
Սեպտեմբերի 13-ի կեսգիշերից ադրբեջանական զինուժը հրետանու, խոշոր տրամաչափի զինատեսակների և անօդաչու թռչող սարքերի կիրառմամբ սկսել է գնդակոծել հայկական դիրքերն ու քաղաքացիական օբյեկտները Գորիսի, Սոթքի, Ջերմուկի և Սյունիքի, Գորիսի, Վայոց ձորի այլ բնակավայրերի ուղղությամբ։
ՀՀ վարչապետ Նիկոլ Փաշինյանի խոսքով՝ 10 քառ. հանրապետության կմ տարածք անցել Ադրբեջանի ԶՈւ-ի վերահսկողությանը: Վերջին տվյալներով՝ հայկական կողմից զոհվածների և անհետ կորածների թիվը 207 մարդ է։ Սեպտեմբերի 28-ին սահմանին ադրբեջանական սադրանքի արդյունքում ևս 3 հայ զինծառայող է զոհվել։
Ադրբեջանն իր կողմից հայտնել է 77 մահվան մասին։ Հայաստանի կառավարությունը դիմել է Ռուսաստանին, ՄԱԿ-ի Անվտանգության խորհրդին և ՀԱՊԿ-ին՝ կապված Ադրբեջանի ագրեսիայի հետ։ Սեպտեմբերի 14-ի երեկոյան Երևանն ու Բաքուն միջազգային հանրության աջակցությամբ կարողացան պայմանավորվել զինադադարի շուրջ։
