Համաշխարհային բանկի Հարավային Կովկասի տարածաշրջանային տնօրեն Սեբաստիան Մոլինեուսը ֆինանսների նախարար Տիգրան Խաչատրյանի հետ հանդիպման ժամանակ հայտարարել է, որ Հայաստանը ՀԲ-ի և վարկային պորտֆելի արդյունավետության լավագույն երկրներից մեկի հուսալի գործընկերն է: Այս մասին հայտնում են ՀՀ ֆինանսների նախարարության լրատվական ծառայությունից։
Խաչատրյանի հետ Հանդիպմանը ներկա էր նաև Համաշխարհային բանկի երևանյան գրասենյակի տնօրեն Կարոլին Գեգինաթը:
Մոլինեուսը վստահեցրել է, որ Համաշխարհային բանկը շարունակելու է աջակցել Հայաստանի կառավարությանը բարեփոխումների իրականացման գործում՝ գործընկերության ավելի բարձր մակարդակի հասնելու համար:
Իր հերթին, Խաչատրյանը բարձր է գնահատել Համաշխարհային բանկի հետ համագործակցությունը և վերահաստատել համագործակցությունը ամրապնդելու և ընդլայնելու Հայաստանի կառավարության պատրաստակամությունը:
Զրուցակիցները քննարկել են նաև Համաշխարհային բանկի և Հայաստանի ռազմավարության առաջնահերթությունները՝ ուղղված պետական հատվածի կատարելագործմանը և պետական ֆինանսների կառավարմանը, բժշկական ապահովագրության համալիր համակարգի ներդրմանը, էներգետիկ և ենթակառուցվածքային ոլորտների զարգացմանը:
