Պուտինն ու Ռայիսին դրական են գնահատել ռուս-իրանական հարաբերությունների զարգացման դինամիկան

ՌԴ նախագահ Վլադիմիր Պուտինը հեռախոսազրույց է ունեցել Իրանի Իսլամական Հանրապետության նախագահ Էբրահիմ Ռաիսիի հետ, հայտնում է Կրեմլի մամուլի ծառայությունը։ 

Երկուստեք դրական է գնահատվել ռուս-իրանական հարաբերությունների զարգացման մակարդակն ու դինամիկան։ Քննարկվել են տարբեր ոլորտներում երկկողմ համագործակցության, այդ թվում՝ համատեղ ենթակառուցվածքային ծրագրերի իրականացման հարցեր։

Ինչպես հայտնում են գերատեսչությունից, կողմերը պայմանավորվել են պահպանել հետագա շփումները։