Մոսկվայում տեղի կունենա Հայաստանի, Ռուսաստանի ու Ադրբեջանի արտաքին գերատեսչությունների ղեկավարների հանդիպումը

Հուլիսի 25-ին Մոսկվայում տեղի կունենան եռակողմ և առանձին երկկողմ բանակցություններ Ռուսաստանի արտաքին գործերի նախարար Սերգեյ Լավրովի, Հայաստանի  արտաքին գործերի նախարար Արարատ Միրզոյանի և Ադրբեջանի արտգործնախարար Ջեյհուն Բայրամովի միջև, հայտնել է ՌԴ ԱԳՆ-ն։

Արտգործնախարարությունների ղեկավարները կվերլուծեն Լեռնային Ղարաբաղի շուրջ իրավիճակի դեէսկալացիայի ուղիները և ակտիվացնելու Ռուսաստանի, Ադրբեջանի և Հայաստանի ղեկավարների միջև 2020 թ․ նոյեմբերի 9-ին, հունվարի 11-ին, 2021 թ․ նոյեմբերի 26-ից մինչև 2021 թ․ հոկտեմբերի 31-ի եռակողմ համաձայնագրերի կատարումը:

Նախարարները կքննարկեն նաև հայ-ադրբեջանական հարաբերությունների կարգավորման այլ առանցքային ուղիները, այդ թվում՝ տարածաշրջանում տրանսպորտային հաղորդակցությունների ապաշրջափակումը, Ադրբեջանի և Հայաստանի միջև սահմանի սահմանազատումը, հասարակության և փորձագետների շփումները և խորհրդարանականների միջև երկխոսության մեկնարկը։

Բայրամովի և Միրզոյանի հետ երկկողմ զրույցների ընթացքում նախատեսվում է քննարկել ռուս-ադրբեջանական և ռուս-հայկական օրակարգի արդիական հարցերը քաղաքական, առևտրային, տնտեսական և հումանիտար ոլորտներում։