Հայ անիմատոր Արմինե Անդայի (Աբրահամյան) «Թռչող տերևների երգը» մուլտֆիլմը օգոստոսին կներկայացվի Իտալիայի և Էստոնիայի կինոփառատոներում:
Այն կներկայացվի օգոստոսի 21-26-ն Իտալիայում կայանալիք «Imaginaria Animation» փառատոնին, նաև «Animist Tallinn 2023» ծրագրում, որը տեղի կունենա օգոստոսի 16-19-ը։ Անդայի մուլտֆիլմը տասներկու տարեկան աղջկա մասին է, որը տերևները որպես վերմակ է օգտագործում։ Մուլտֆիլմի հերոսներից է նաև մի ծերունի, ով գաղտնի գիտելիքներ ունի:
12 րոպեանոց ֆիլմի երաժշտությունը գրել է Միքայել Ոսկանյանը: Արմինե Անդան Հայաստանից է, որը հիմնադրել է «Հոշկի ֆիլմ» կինոընկերությունը։
