BakuTV-ն հարցազրույց է վերցրել հայ բնապահպաններից՝ տարածաշրջանի էկոլոգիայի վրա հայկական հանքարդյունաբերական ձեռնարկությունների ազդեցության մասին զեկույցի համար, ասել է Eco-Media կազմակերպության հիմնադիր Նարինե Կիրակոսյանը՝ հղում անելով ադրբեջանական լրատվամիջոցներին։
Կիրակոսյանի խոսքով՝ Սյունիք է այցելել «Ադրբեջանի հատուկ գործակալ» Նատալյա Խոխլովան։ Ներկայանալով «Բլոկնոտ» պարբերականի ռուսական թղթակից՝ նա հարցազրույց է վերցրել «ԷկոԼուր» կազմակերպության ղեկավար Ինգա Զարաֆյանից, Քաջարան քաղաքի բնակիչ Ալբերտ Աթայանից և Կապանից էկոակտիվիստ Վլադիկ Մարտիրոսյանից։
«Նատալյա Խոխլովայի ընտրությունը, նրա Հայաստան գալը, հարցազրույցներին տարբեր մարդկանց ներգրավելը և մնացած բոլոր գործողությունները կատարվել են նախապես կազմված սցենարով»,- վստահ է Կիրակոսյանը, քանի որ Խոխլովան հարցեր է տվել միայն փորձառու մարդկանց, ովքեր ավելի քան մեկ դար ապրել են տարածաշրջանում և աշխատել միջազգային բնապահպանական նախագծերում:
Կիրակոսյանի խոսքով BakuTV-ի ռեպորտաժը «հայ բնապահպանների բերանով» մեղադրում է տեղական հանքարդյունաբերական հսկաներին Հարավային Կովկասում տեղի ունեցած էկոլոգիական աղետի մեջ։
«Բաքու-TV-ի ռեպորտաժը ադրբեջանական քաղաքականության հերթական դրսևորումն է, որից հետո հավանական է Որոտանի և Կապանի օդանավակայանից դեպի Ճակատեն-Ներքին Հանդ տանող ճանապարհներին, որտեղ արդեն իրենց զինուիժն արդեն դիրքավորված է, կիրառվի Բերձորի ճանապարհի, ըստ նրանց «Լաչինի մարդասիրական միջանցքի» սցենարը և թշնամու կեղծ էկոլոգները փակեն Սյունիքի ու Հայաստանի կարևոր երթուղիները»,- գրել է նա։
Կիրակոսյանը Հայաստանի Ազգային անվտանգության ծառայությանը կոչ է արել հետաքննություն սկսել Հայաստանում ադրբեջանցի լրագրողների գործունեության վերաբերյալ։
