Այսօր՝ հոկտեմբերի 24-ին, խոշոր հրդեհ է տեղի ունեցել Կոտայքի մարզում, հայտնում է Shamshyan.com-ը: Ժամը 12:55-ի սահմաններում ՀՀ ՆԳՆ փրկարար ծառայության «911» ճգնաժամային կառավարման ազգային կենտրոն ահազանգ է ստացվել, որ Հրազդան ջերմաէլեկտրակայանի տարածքում հրդեհ է բռնկվել:
Դեպքի վայր են ժամանել Հրազդանի թիվ 44 և թիվ 43 հրշեջ-փրկարարական ջոկատներից 3 մարտական հաշվարկ: Պարզվել է, որ հրդեհը բռնկվել է Հրազդան ՋԷԿ-ի չշահագործվող շինության տարածքում, որտեղ կուտակված է եղել փայտ: Ըստ նախնական տեղեկությունների՝ տուժածներ չկան:
Թե ինչն է եղել հրդեհի պատճառը` պարզվում է, սակայն կան տեղեկություններ, որ նշված վայրում զոդման աշխատանքներ են կատարել:
