Հայաստանի ֆուտբոլի ազգային հավաքականի և «Լոկոմոտիվի» 24-ամյա ֆուտբոլիստ Նաիր Տիկնիզյանը հոկտեմբերի 24-ին ամուսնացել է «Матч ТВ»-ի 29-ամյա հաղորդավարուհի Յանա Ռոմաշկինայի հետ։ Հարսնացուն Instagram-ի իր էջում հարսանիքից լուսանկարներ է հրապարակել։
Տիկնիզյանն ընտրյալին առաջարկություն է արել սեպտեմբերի վերջին՝ Ռուսական պրեմիեր լիգայի 9-րդ տուրի հանդիպումից հետո, որտեղ «Լոկոմոտիվը» հաղթել է «Զենիթին» 2:1 հաշվով:
Ռոմաշկինան վարում է Match TV-ի «Բոլորը՝ արի գնանք խաղի» հաղորդումը, ինչպես նաև մի քանի նախագծեր YouTube-ում և մեդիա ֆուտբոլում:
Հեռուստահաղորդավարուհին Maxim-ին տված հարցազրույցում կիսվել էր ամուսնու ազգանունը վերցնելու պլաններով:
Մոսկվայի ԲԿՄԱ-ի շրջանավարտ Տիկնիզյանը Հայաստանի հավաքականում հանդես է գալիս 2023 թվականից, իսկ 2021 թվականի ամռանից ֆուտբոլիստը խաղում է «Լոկոմոտիվում»:
