Արցախցիներին 50000 դրամ աջակցություն տրամադրելու համար դիմումների ժամկետը правительство կերկարաձգի մինչև 2024թ․ հունվարի վերջը, մամուլի ասուլիսի ժամանակ հայտնել է Աշխատանքի և սոցիալական հարցերի նախարարի տեղակալ Աննա Ժամակոչյանը։
«Աշխատանքի և սոցիալական հարցերի նախարարությունը նախաձեռնեց փոփոխություններ կառավարության որոշման մեջ և առաջիկա կառավարության նիստով կամրագրվի փոփոխությունը, որով հնարավորություն կլինի 50000 հազարների դիմումների ստացումն ապահովել մինչև 2024 թվականի հունվարի վերջ։ Եվ բոլոր այս դեպքերում, երբ կան որոշակի պոտենցիալ շահառուներ, որ կարող են դիմել, հնարավորություն կստանան առաջիկայում կրկին դիմելու և այդ հնարավորությունը կպահպանվի մինչև հունվարի 30-ը», – հայտնել է Ժամակոչյան։
Նա նշել է, որ շուտով «40+10 հազար դրամ» սոցիալական աջակցության ծրագրում հնարավորություն կլինի խմբագրել տվյալները։ Ծրագրի թարմացման ստույգ ժամկետներ նախարարության ներկայացուցիչը չի նշել։
«Համակարգը լրամշակվել է և ենթադրում եմ՝ մի քանի շաբաթ է, որ ունենք խմբագրելու հնարավորություն։ Այսինքն բոլոր այն ծնողները, ոորնք բաց են թողել երեխաների մասին տվյալների լրացումը, կարող են իրենց հաստատված դիմում ունենալու պարագայում մուտք գործել, կրկին նույնականանալ համակարգում և ավելացնել երեխայի տվյալները», – հաղորդել է Ժամակոչյանը։
Նա հավելել է, որ սոցիալական աջակցություն ստացողների նոր տվյալները պարբերաբար խումբ-խումբ մշակվում են․ «Ամեն շաբաթ փորձել ենք անպայման մշակել տվյալները և վճարումները կազմակերպել։ Առաջիկայում մենք պատրաստվում ենք ոչ միայն ավարտել նոյեմբերի վճարումները, այլև մյուս շաբաթվանից կսկսենք դեկտեմբերի վճարումները», – ասել է նա։
Հիշեցնենք, որ ԼՂ-ից բռնի տեղահանված անձանց՝ նոյեմբեր և դեկտեմբեր ամիսների համար տրամադրվող 50 հազար դրամ աջակցության դիմումներն ընդունվում են նոյեմբերի 17-ից։
