Ավտովթար է տեղի ունեցել Կոտայքի մարզի Քարաշամբ-Արգել գյուղամիջյան ճանապարհին, հայտնում է shamshyan.com-ը։ Ժամը 12։10-ի սահմաններում Քարաշամբ-Արգել գյուղամիջյան ճանապարհին մերկասառույցի պատճառով բախվել են Կոտայքի մարզի բնակիչ 28-ամյա Դավիթ Դանիելյանի վարած ВАЗ 2121 մակնիշի 37GM070 համարանիշի և Երևանի բնակիչ 53-ամյա Արտակ Ասոյանի վարած ВАЗ 2121 մակնիշի 35XP878 համարանիշի ավտոմեքենաները։
Վթարի հետևանքով 4 հոգի, որոնցից մեկը՝ երեխա, տեղափոխվել են «Սուրբ Գրիգոր Լուսավորիչ» բժշկական կենտրոն։
Աղբյուրը հայտնում է, որ վիրավորների կյանքին վտանգ չի սպառնում։
