Սաուդյան Արաբիայի «Ալ Նասրի» թիմի հարձակվող Կրիշտիանու Ռոնալդուն պատասխանել է կարիերան ավարտելու մասին հարցին, հայտնել է Record-ը։
«Ես կարող եմ ավարտել կարիերաս մրցաշրջանի վերջում, բայց կարող եմ խաղալ ևս երկու-երեք տարի։ Անկեղծ ասած՝ դեռ չգիտեմ։ Քանի դեռ գլխիս ու մարմնիս հետ ամեն ինչ կարգին է, և ես շարունակում եմ հաճույք ստանալ ֆուտբոլից, կշարունակեմ խաղալ։ Երբ զգամ, որ այլևս չեմ կարող օգտակար լինել, անմիջապես պատասխանատու կլինեմ այդ իրավիճակի համար: Այս պահին, երբ դուրս եմ գալիս խաղադաշտ, ինձ հիանալի ու երջանիկ եմ զգում»,- ասել է ֆուտբոլիստը։
Ֆուտբոլիստի խոսքով՝ զբաղվում է նրանով, ինչն ամենաշատն է սիրում։
Ռոնալդուն «Ալ Նասրի»-ում հանդես է գալիս 2023 թվականի հունվարից: Ընթացիկ մրցաշրջանում նա անցկացրած 25 խաղում դարձել է 24 գոլի և 11 գոլային փոխանցման հեղինակ: Փետրվարին պորտուգալացի ֆուտբոլիստը կդառնա 39 տարեկան։
