Հունվարի 28-ին ճանապարհի մերկասառույցի պատճառով վթարի է ենթարկվել թիվ 13 երթուղին սպասարկող ավտոբուսը, տուժածներ չկան, հայտնում է Shamshyan.com-ը։
ԶԼՄ-ն նշել է, որ պատահարը տեղի է ունեցել ժամը 08:40-ի սահմաններում․ Սարի թաղի 13-րդ փողոցում ավտոբուսը դուրս է եկել ճանապարհի երթևեկելի գոտուց, բախվել գազի խողովակին, ապա բնակչի տան քարե պարսպին ու երկաթե ճաղավանդակին և ամբողջությամբ փակել ճանապարհը։
Ըստ աղբյուրի՝ դեպքի վայրում հավաքված քաղաքացիները հայտնել են, որ թե՛ վարորդը, թե՛ ուղևորները հրաշքով են ողջ մնացել, քանի որ, նրանց կարծիքով, երջանիկ պատահականությամբ ավտոբուսը չի կողաշրջվել։
Հոնվարի 27-ին ԶԼՄ-ները հայտնել էին, որ Երևանի քաղաքապետ Տիգրան Ավինյանն աշխատանքից ազատել է «Երևանի աղբահանություն և սանիտարական մաքրում» հիմնարկի տնօրեն Բագրատ Աղաջանյանին։
