Հայաստանի Գեղարքունիքի մարզի «Ծաղկունք» ռեստորանն այն հաստատություններից է, որոնց ճաշատեսակների մասին երազում են խոհարարներն ու խոհարարական մեկնաբանները, հայտնում է The Guardian-ը։
«Դրա մասին հեշտ չէ խոսել և առանձնապես հեշտ չէ հասնել դրան, բայց եթե հետաքրքրված եք տեղական համերով, ապա դա պարտադիր է Հայաստանում: Խոհարարները շրջակա բլուրներից հավաքում են սունկ ու խոտաբույսեր, իսկ տանը կա կավե թոնիրով ավանդական հացատուն՝ համեղ հայկական լավաշ հաց պատրաստելու համար»,- մատնանշել է սննդի գրող Քերոլայն Էդենը։
Նա բացատրել է, որ ռեստորան կարելի է հասնել Երևանից ընդամենը մեկ ժամվա ընթացքում, իսկ Սևանա լճից՝ նույնիսկ ավելի արագ։ Էդենը բրիտանական թերթի ընթերցողներին խորհուրդ է տվել Ծաղկունքում փորձել բլիթները, քանի որ «լեռնային խոտաբույսերով լցված և մածունով պատրաստված՝ դրանք դրսից խրթխրթան են, ներսից՝ փափուկ և շատ կծու։
The Guardian-ն ընդգծել է, որ Հայաստանն արժանի է ճանապարհորդների ուշադրությանն իր եկեղեցիներով, երաժշտությամբ, թանգարաններով, արվեստի և լեռնային արշավային արահետներով։
«Ծաղկունք»-ը 2021 թվականի դեկտեմբերին նույնպես ներառվել է Forbes-ի վարկածով տարվա ամենահետաքրքիր ռեստորանների թոփ տասնյակում։
