ՀՀ ՄԻՊ Անահիտ Մանասյանը լրագրողների հետ ճեպազրույցում պատասխանել է կալանքի կիրառման ինստիտուտի բարեփոխումների անհրաժեշտության հարցին՝ անդրադառնալով Էկոնոմիկայի նախարարությունում ձերբակալությունների դեպքերին։ Նրա խոսքով՝ կալանքը բավականին մեծ քանակությամբ է կիրառվում, ինչը հարցերի տեղիք է տալիս:
«Կալանքի ինստիտուտի հետ կապված բազմիցս եմ նշել, որ անհրաժեշտ է ոչ միայն քանակական, այլև որակական ուսումնասիրություն իրականացնել, քանի որ կալանքը պետք է կիրառվի բացառիկ դեպքերում։ Հայաստանի Հանրապետությունում կարծես ունենք շատ դեպքերում փոքր ինչ այլ իրավիճակ՝ զուտ քանակական տվյալները հաշվի առնելով»,- ասել է ՄԻՊ-ը։
Հունվարի 31-ին ԱԱԾ-ն Էկոնոմիկայի նախարարությունում իրականացրել էր քննչական գործողություններ և բերման էր ենթարկել փոխնախարար Անի Իսպիրյանին: ՔԿ-ն հայտնել էր, որ նախարարությունում չարաշահումների գործով 7 անձի են ձերբակալել։ ԶԼՄ-ները գրել էին, որ գործով իրավապահները ձերբակալել են ԱԺ նախագահ Ալեն Սիմոնյանի եղբոր՝ Կառլեն Սիմոնյանի կնոջը՝ Անի Գևորգյանին։
Մանրամասները՝ տեսանյութում։
