Պաշտոնյաները մեկնաբանել են արցախցիների՝ ԼՂ վերադառնալու համար Կարմիր խաչին դիմելու մասին լուրերը

Արցախի պաշտոնյաները հերքում են լուրերն այն մասին, որ արցախցիները վերջին շաբաթներին կապ են հաստատել Երևանի Կարմիր խաչի գրասենյակի հետ՝ իրենց Արցախ վերադառնալու համար գրանցելու խնդրանքով, գրում է «Հրապարակ» օրաթերթը։ 

Միևնույն ժամանակ, ըստ հրապարակման, նրանք հնարավոր են համարել մի քանի հարյուր կամ հազարավոր արցախցիների վերադարձը Արցախ՝ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի գաղտնի համաձայնագրի շրջանակներում։

Արցախի խորհրդարանի ընդդիմադիր պատգամավոր Դավիթ Գալստյանը հայտարարել է, որ պետական ​​մակարդակով արցախցիներին Արցախ վերադարձնելու փորձեր չեն արվում։

«Անընդունելի է դա, եթե ինչ-որ մեկն անընդունելի պայմաններով մարդկանց հավաքագրում է ու փորձում ինչ-ինչ ճանապարհներով վերադարձնել Արցախ, բայց անհասկանալի է՝ նրանց ֆիզիկական անվտանգությունն ինչպե՞ս են ապահովելու, ո՞ւր են վերադառնալու, ի՞նչ կարգավիճակով, ապա դա արկածախնդրություն է»,- ասել է նա։

Սեպտեմբերի 19-ին Ադրբեջանը լայնամասշտաբ հարձակում էր սկսել Արցախի Հանրապետության դեմ։ ՔԿ վերջին տվյալներով, զոհվել էր ավելի քան 200, վիրավորվել՝ ավելի քան 300 մարդ, գերեվարվել էին 16-ը, խոշտանգվել՝ 14-ը, անհետ կորել՝ 42-ը։ Վերջին տվյալներով՝ ԼՂ-ից բռնի տեղահանված 100 632 քաղաքացի է ժամանել ՀՀ։