Վարչապետ Նիկոլ Փաշինյանն այցելել է Տավուշի մարզ, մասնավորապես` Կիրանց, տեղեկացնում են կառավարությունից։
Ըստ կառավարության մամուլի ծառայության՝ վարչապետը նախ ծանոթացել է Կիրանց-Աճարկուտ ճանապարհի վերակառուցման աշխատանքների ընթացքին, որոնք ավարտական փուլում են: Պատասխանատուները զեկուցել են, որ արդիականացված ճանապարհը շահագործման կհանձնվի արդեն այս ամսվա ընթացքում:
Հաջորդիվ վարչապետին են ներկայացվել Կիրանցի նոր ճանապարհի կառուցման աշխատանքները, որոնք ևս ակտիվորեն ընթացքի մեջ են և ավարտին կհասցվեն մոտ ժամանակներս:
«Այն կլինի ժամանակակից, նախատեսված բոլոր տեսակի տրանսպորտային միջոցների համար»,- ասված է հաղորդագրության մեջ:
Ըստ գերատեսչության՝ Նիկոլ Փաշինյանն այցելել է նաև Հայաստան-Ադրբեջանի պետական սահմանի Կիրանցի հատված, ծանոթացել սահմանազատումից հետո իրականացված աշխատանքներին:
Տավուշի մարզում հեղեղումների հետևանքով վթարվել էր Խաշթառակի կամուրջը:
«Մինչ վերջինիս վերակառուցման աշխատանքներն սկսելը՝ ներկայումս կառուցվում է ժամանակավոր կամուրջ, որը կապահովի մուտք դեպի Խաշթառակ: Վարչապետը ծանոթացել է վերոնշյալ, ինչպես նաև Դիլիջան-Իջևան ճանապարհահատվածում հեղեղումներից փլուզված հատվածների վերակառուցման աշխատանքների ընթացքին»,- նշվում է հաղորդագրությունում:
