Ադրբեջանի ԶՈւ-ն մասնակցել է Ղազախստանում անցկացվող միջազգային զորավարժություններին

Ադրբեջանը համատեղ օպերատիվ-մարտավարական հրամանատարաշտաբային վարժանքներ է անցկացրել Ղազախստանի, Ղրղզստանի, Ուզբեկստանի և Տաջիկստանի զինծառայողների հետ, հայտնում է Ադրբեջանի պաշտպանության նախարարությունը։

Նշվում է, որ Ղազախստանում անցկացված զորավարժությունների վերջին մարտավարական դրվագի ժամանակ զորավարժությունների մասնակիցները «միջոցառումներ են իրականացրել Կասպից ծովի ափամերձ գոտում անօրինական զինված խմբավորումների ոչնչացման ուղղությամբ»։

Ադրբեջանից զորավարժություններին մասնակցել են ցամաքային զորքերի հրամանատարական ստորաբաժանումների մի խումբ զինվորականներ, օդապարիկով և որոնողափրկարարական խումբ, Սու-25 գրոհային ինքնաթիռներ, ինչպես նաև պարեկային և դեսանտային նավեր։