Փաշինյանը Դիլիջանում հանդիպել է ՀՀ դեսպանների հետ՝ աշխատաժողովի շրջանակում

Օգոստոսի 26-ին մեկնարկել է օտարերկրյա պետություններում ՀՀ դիվանագիտական ներկայացուցչությունների ղեկավարների տարեկան աշխատաժողովը, որին ներկա են գտնվել վարչապետ Նիկոլ Փաշինյանը և ՀՀ նախագահ Վահագն Խաչատուրյանը, հայտնում են կառավարությունից։ 

Վարչապետը կարևորել է դիվանագիտական ներկայացուցչությունների առանցքային դերն ու նշանակությունը, անդրադարձել ՀՀ արտաքին քաղաքականության առաջնահերթություններին և մարտահրավերներին:

Փաշինյանի ելույթին հաջորդել են արտաքին քաղաքականության օրակարգային հարցերի շուրջ քննարկումներ՝ առկա հիմնախնդիրների և դրանց լուծման հնարավորությունների վերաբերյալ, հավելել են կառավարությունից։