Armenia Today-ը կազմել է սեպտեմբերի 14-15-ին Երևանի և մոտակայքի ամենահետաքրքիր իրադարձությունների ցանկը։
Ստուգեք ձեր ստեղծագործական կարողությունները My Handmade Yerevan-ում
Երևանում՝ Կասկադում, սեպտեմբերի 14-ին և 15-ին կանցկացվի «Իմ ձեռագործ Երևան» փառատոնը, ասվում է կազմակերպիչների ֆեյսբուքյան էջում։ Փառատոնի կազմակերպիչներն են Տերյան մշակութային կենտրոնը, Գաֆէսճեան արվեստի կենտրոնը և Հայաստանի արհեստագործների միությունը։
Փառատոնին Հայաստանի մարզերի, Երևանի և Արցախի արհեստագործ վարպետները կներկայացնեն իրենց ձեռագործ արտադրանքը, կկազմակերպեն վարպետության դասեր և իրենց աշխատանքների ցուցահանդես-վաճառք։
Սպորտի նկատմամբ ոչ անտարբեր համախոհների գտեք TriCon-ում
Սեպտեմբերի 14-ին Երևանում կբացվի TriCon համաժողովը, որը համընկնում է TriClub Yerevan համայնքի 10-ամյակի հետ՝ միավորելով սպորտի և առողջ ապրելակերպի սիրահարներին: Ծրագիրը ներառում է վարպետության դասեր և սպորտային միջոցառումներ։ Մուտքն ազատ է, կարող եք գրանցվել հետևյալ հղումով։
Կրկին սիրահարվեք Երևանին և Հայաստանին Պետո Պողոսյանի արվեստի միջոցով
Երևանի Dalan Art Gallery-ում (Աբովյան 12) կբացվի հայ նկարիչ, ջրանկարիչ Պետո Պողոսյանի «Կարոտով» նկարների բարեգործական ցուցահանդեսը։ Բացումը տեղի կունենա ժամը 19:00-ին՝ նկարչի կտավների վաճառքով։ Ստացված հասույթը նա կուղղի Հայաստանում կլինիկական դեղագիտության զարգացմանը։ Պետոյի յուրաքանչյուր ստեղծագործություն լի է տրամադրությամբ և շունչով, և եթե ուշադիր նայեք նկարներին, կարող եք տեսնել յուրաքանչյուր ծառի, բույսի կամ ծաղկի բնավորությունը: Նկարչի մասին պատմել ենք մեր նյութում։
Քայլարշավ Արևածագի ձորում
«Հայոց բերդեր» նախագիծը հրավիրում է միանալու 10 կիլոմետրանոց արշավին դեպի Արևածագի ձորում գտնվող Քրոջ բերդ։ Կազմակերպիչները ժամը 08:30-ին արշավի մասնակիցներին հրավիրում են ԳԱԱ շենքի մոտ։ Մասնակիցներին խնդրում են հագնել հարմարավետ արշավային կոշիկներ, սպորտային հագուստ, իրենց հետ ունենալ սնունդ և 1,5 լիտր ջուր։ Արժեքը՝ 8000 դրամ է։ Մասնակցության համար անհրաժեշտ է գրանցվել՝ զանգահարելով (+374) 91 014 301, (+374)94/095 325 075 հեռախոսահամարներով։
Վերելք դեպի Սյունիքի մարգարիտը՝ Խուստուփ լեռը
«Թռիչք» ակումբը սեպտեմբերի 14-15-ը կազմակերպում է արշավ դեպի Սյունիքի մարզի Խուստուփ լեռ։ Մասնակցության համար պետք է ունենալ ուսապարկ, արշավային հարմարավետ հագուստ և կոշիկ, արևապաշտպան քսուք, գլխարկ, ջուր, երկու օրվա սնունդ, լապտեր, անձրևանոց և քնապարկ։ Կազմակերպիչներն արշավի մասնակիցներին դիմավորելու են ժամը 07:00-ին՝ Բաղրամյան 24 շենքում։ Արշավի արժեքը 32 000 դրամ է։
Մասնակցել երգիչ Մարթեն Յորգանցի համերգին Երևանում
30-ն անց տարիք ունեցողները լավ գիտեն ճկույթի մասին նրա հայտնի երգը։ Սեպտեմբերի 14-ին Երևանի «Հաղթանակ» զբոսայգում տեղի կունենա «Մարթեն Յորգանցը և ընկերները» խորագրով համերգը։ Այն կազմակերպում է Վաղարշապատի երգի-պարի թատրոնը։
Տեսնել Բիլժոյի արջուկները
Անդրեյ Բիլժոյի արջուկները կցուցադրվեն սեպտեմբերի 13-16-ը Ժողովրդական արվեստների թանգարանում (Աբովյան փող. 64): Ցուցահանդեսի շրջանակներում կանցկացվի արջերի մասին պատմվածքների մրցույթ մի քանի անվանակարգերում՝ կոմիքսներ, ֆիլմ (կամ անիմացիա), պատմություն, լուսանկար։ Մրցանակներն սպասում են հաղթողներին։
Խմբագրակազմը մաղթում է խաղաղ և պայծառ հանգստյան օրեր։
