«Սրբազան պայքար»-ը զգուշացրել է զերծ մնալ Գալստանյանի անունից առաջարկվող կեղծ կրիպտոարժույթ գնելուց

Սրբազան պայքարն զգուշացրել է շարժման առաջնորդ Բագրատ արքեպիսկոպոս Գալստանյանի անվամբ կրիպտոարժույթ ստեղծող և դրա վաճառքով զբաղվող անհայտ անձանց մասին, հայտնել է Սրբազան պայքարը։

Ըստ հայտարարության՝ շարժումն այդ կրիպտոարժույթի հետ որևէ առնչություն չունի, և նրա ներկայացուցիչները չգիտեն, թե ովքեր և ինչ նպատակով են իրականացնում դրա վաճառքը։

«Հորդորում ենք համացանցում զգույշ լինել, և Սրբազան Պայքարի նախաձեռնությունների մասին տեղեկություններ ստանալ բացառապես մեր պաշտոնական էջերից»,- զգուշացրել է շարժումը։

Հոկտեմբերի 6-ի երեկոյան Հանրապետության հրապարակում հանրահավաքի ժամանակ Գալստանյանը շարժման աջակիցների հետ երթ էր իրականացրել դեպի Սահմանադրական դատարանի շենք։