Ադրբեջանի նախագահ Իլհամ Ալիևն ԱՄՆ նախագահ Դոնալդ Թրամփի հետ հեռախոսազրույցի ընթացքում հույս է հայտնել, որ ջանքեր կգործադրվեն երկկողմ հարաբերությունների հետագա զարգացման համար, փոխանցում են ադրբեջանական լրատվամիջոցները։
Նշվում է, որ Ալիևը զանգահարել է Թրամփին և շնորհավորել նախագահ ընտրվելու կապակցությամբ։ Ըստ հաղորդագրության՝ Ադրբեջանի նախագահը նշել է, որ Թրամփի գործունեությունը կարևոր դեր կխաղա աշխարհում անվտանգության ապահովման գործում։
Թրամփն, իր հերթին, շեշտել է երկու երկրների միջև համագործակցության զարգացմանն ուղղված համատեղ աշխատանքի կարևորությունը։
Նոյեմբերի 16-ին ՀՀ վարչապետ Նիկոլ Փաշինյանը հեռախոսազրույց էր ունեցել ԱՄՆ նախագահի հետ և քննարկել տարածաշրջանային օրակարգին վերաբերող հարցեր։
