Գործադուլին մասնակցելուց հետո աշխատանքից ազատված ավտոբուսների վարորդների թիվը հասել է 35-ի, լրագրողներին ասել է վարորդներից մեկը։ Նրա խոսքով՝ եթե թիմը վաղը վերադառնա աշխատանքի, ապա աշխատանքից ազատված վարորդների հարցը «կվերանայվի»։
Դեկտեմբերի 3-ի առավոտից «Երևանի ավտոբուս» ՓԲԸ-ի վարորդները գործադուլ են հայտարարել և դուրս չեն եկել երթուղի՝ պահանջելով բարձրացնել աշխատավարձերը։ Քաղաքապետարանն «անտրամաբանական» էր որակել վարորդների պահանջները։
Ավելի վաղ Երևանի քաղաքապետարանը հայտարարել էր գործադուլ անող ավտոբուսների 18 վարորդի աշխատանքից ազատելու մասին, իսկ քաղաքապետ Տիգրան Ավինյանը նշել էր, որ Երևանի իշխանությունները խստագույնս պատասխանատվության կենթարկեն գործադուլի կազմակերպիչներին։
Մարտի 12-ին Երևանի ավագանին ընդունել էր տոմսերի միասնական համակարգ ներդնելու նախագիծը։ Ավինյանը հունիսի 25-ին ասել էր, որ 2025 թվականի հունվարի 1-ից կսկսի գործել հասարակական տրանսպորտի ուղեվարձի միասնական համակարգ, որը նախատեսում է տրանսպորտի թանկացում։
Հոկտեմբերի 14-ին Կոստանյանը հայտնել էր, որ նոյեմբերի 1-ից MAN, ZhongTong և GazelCity մակնիշի փոխադրամիջոցներից օգտվելիս պարտադիր պայման է լինելու 100 դրամանոց մետաղադրամի առկայությունը կամ վճարային համակարգով QR կոդով վճարումը։
