ՀՀ պաշտպանության նախարար Սուրեն Պապիկյանը ՀՀ-ում Ֆրանսիայի դեսպան Օլիվիե Դըկոտինյիի հետ քննարկել է պաշտպանության բնագավառում Հայաստան-Ֆրանսիա համագործակցության օրակարգային հարցերն ու առաջիկա անելիքները, հայտնում է ՀՀ ՊՆ մամուլի ծառայությունը։
Ըստ գերատեսչության՝ կարծիքներ են փոխանակվել տարածաշրջանային և միջազգային վերջին զարգացումների շուրջ:
Դեկտեմբերի 10-ին Հայաստանի և Ֆրանսիայի միջև ստորագրվել էր պաշտպանական համագործակցության 2025 թվականի ծրագիրը, որն ընդգրկում է մի քանի տասնյակ միջոցառումներ ԶՈւ կենսագործունեության գրեթե բոլոր ոլորտներում։
Նոյեմբերի 18-ին Դըկոտինյին հայտնել էր, որ Հայաստանի և Ֆրանսիայի զինված ուժերի ստորաբաժանումները մասնակցում են Հունաստանում կազմակերպված «Օլիմպիական համագործակցություն-24» զորավարժություններին։
