Ծնվել է Արցախյան 44-օրյա պատերազմում զոհված Միքայել Կորյունի Հարությունյանի եղբայրը, ում ծնողները կրկին անվանակոչել են Միքայել: Այս մասին հայտնում է Արմավիրի մարզպետարանը։
Մայրիկի՝ Սիրանուշ Հովհաննիսյանի խոսքով՝ վերածնվել է զոհված Միքայելը, տունը լցվել է նրա շնչով՝ վերաիմաստավորելով ընտանիքի անդամների կյանքը:
Շնորհավորում ենք Հարությունյանների ընտանիքին, իսկ փոքրիկին մաղթում առողջություն և, որ ամենակարևորն է, խաղաղ երկնքի տակ անհոգ մանկություն:
Զոհված Միքայել Կորյունի Հարությունյանը ծնվել է 2001 թվականին Արմավիրի Ջրառատ գյուղում։ Ծառայել է Ասկերանի զորամասում։ Կռվել է, ընկել հանուն հայրենիքի՝ հոկտեմբերի 11-ին։
