Փաստաբան Գայանե Պապոյանը հայտնել է, որ հարձակման է ենթարկվել։ Այդ մասին նա գրել է իր Facebook-յան էջում։
«Անպատժելիությունը հասել է ԱԱԾ շենքի մոտ։ Այսօր առավոտյան ԱԱԾ շենքի մոտ՝ անցագրային կետի և Սայաթ Նովա 27 շենքի բակային հատվածում, սուր կտրող-ծակող գործիքով ինձ վրա հարձակում է գործել մի տղամարդ, ապա, երբ ես դիմել եմ փախուստի՝ մտնելով ԱԱԾ ընդունարան և օգնություն կանչելով ԱԱԾ աշխատակիցներից, վերջինս այդ նույն գործիքով վնասել է այնտեղ կայանված ավտոմեքենաս։ Ահազանգել եմ ոստիկանություն, կարճ ժամանակ անց եկան ոստիկանները և Կենտրոն քննչական բաժնի քննիչները։ Ի դեպ, օպերատիվ կերպով կատարեցին բոլոր անհրաժեշտ գործողությունները, ինչի համար շնորհակալ եմ։
Մոտ 2 ժամ հետո տղամարդը հայտնաբերվեց և ձերբակալվեց։
Հ.Գ. օրը ցերեկով… ԱԱԾ շենքի մոտ…»,-գրել է նա՝ հայտնելով, որ իրեն ոչինչ չի պատահել։
