Գեղարքունիքի մարզի բնակիչները փակել են Երևան-Մարտունի ավտոճանապարհի մի հատվածը՝ դժգոհելով արտագնա աշխատողներին հարկելու մասին ՊԵԿ-ի որոշման դեմ։
Նրանք պահանջում են ՊԵԿ-ից Հայաստանից դուրս ստացած եկամուտներից Հայաստանի բնակիչներից հարկեր գանձելու որոշումը չեղարկել։
Ակցիայի մասնակիցներին հանդիպել է Գեղարքունիքի մարզպետ Կարեն Սարգսյանը։ Նա բնակիչներին տեղեկացրել է, որ այս հարցն այժմ քննարկվում է պատկան մարմիններում։
«Հրապարակ» թերթը գրել էր, որ ամենաշատ արտագնա աշխատողներն ապրում են Հայաստանի այս մարզում։
Փետրվարի 16-ին կոմիտեն հայտարարել էր, որ Հայաստանում և արտերկրում հարկվող և եկամուտ ստացող Հայաստանի բնակիչները, Հայաստանի օրենսդրության համաձայն, պարտավոր են եկամտահարկ վճարել սահմանված դրույքաչափերով։ ՊԵԿ-ը նշել է, որ ծանուցումներ է ուղարկել Հայաստանի այն քաղաքացիներին, ովքեր պարտավոր են հարկեր վճարել իրենց երկրի հարկային օրենսդրության համաձայն։
Փետրվարի 10-ին Բեժանյանը հայտնել էր, որ քաղաքացիների համար դժվար է լինելու այդ հարկերը վճարել, որովհետև նրանք դրսում աշխատում են սոցիալական խնդիրները լուծելու համար: Պատասխանելով Armenia Today-ի հարցին՝ նա նշել էր, որ այս պահին անհրաժեշտ է պարզապես իրազեկել քաղաքացիներին և հաջորդ տարվանից նոր սկսել հարկել նրանց։
