Հայաստան-Վրաստան սահմանային գոտում գրանցված երկրաշարժն զգացվել է Շիրակի մարզում

Հայաստան-Վրաստան սահմանային գոտում այսօր 2,3 մագնիտուդ ուժգնությամբ երկրաշարժ է տեղի ունեցել, որն զգացվել է Շիրակի մարզում, հայտնում է ՆԳՆ փրկարար ծառայությունը։ 

Երկրաշարժը գրանցվել է տեղական ժամանակով ժամը 10:35-ին՝ Բավրա գյուղից 14 կմ հյուսիս-արևելք։ 

Ըստ ՆԳՆ-ի՝ օջախը գտնվել է 10 կմ խորության վրա։ Էպիկենտրոնային գոտում ստորգետնյա ցնցման ուժգնությունը կազմել է 3 բալ:

Երկրաշարժն զգացվել է Շիրակի մարզի Բավրա, Սարագյուղ, Սիզավետ, Թավշուտ, Ղազանչի գյուղերում՝ 2-3 բալ ուժգնությամբ։