Ադրբեջանի ԶՈւ-ն օրվա մեջ երկրորդ անգամ կրակ է բացել Երասխի ուղղությամբ․ ՀՀ ՊՆ

Հունիսի 19-ին՝ ժամը 13:25-ին, Ադրբեջանի ԶՈւ ստորաբաժանումները տարբեր տրամաչափի հրաձգային զենքերից կրակ են բացել Երասխում օտարերկրյա ներդրումների միջոցով  կառուցվող մետալուրգիական գործարանի ուղղությամբ, հայտնում է ՀՀ ՊՆ-ն։ 

Այսօր գերատեսչությունը տեղեկացրել էր, որ հունիսի 19-ին՝ ժամը  00:45-02:20-ը, Ադրբեջանի ԶՈւ-ն տարբեր տրամաչափի հրաձգային զենքերից կրակ է բացել սահմանագոտու արևելյան (Սոթք) և հարավարևմտյան (Երասխ) ուղղությամբ տեղակայված հայկական դիրքերի ուղղությամբ: Հայկական կողմում տուժածներ չկան:

ՀՀ ՊՆ-ն նաև հերքել էր ադրբեջանական կողմի ապատեղեկատվությունն այն մասին, թե իբր սահմանագոտու արևելյան և հարավարևելյան հատվածում ՀՀ ԶՈւ ստորաբաժանումները 10:45-ից կրակ են բացել ադրբեջանական դիրքերի ուղղությամբ։ 

Դիտեք Armenia Today-ի պատրաստած տեսանյութը, թե ինչպես է ապրում Երասխը հունիսի 14-ի գնդակոծությունից հետո։