Գեղարքունիքի մարզպետ Կարեն Սարգսյանը Վարդենիս համայնքի ղեկավար Ահարոն Խաչատրյանի, Սոթք բնակավայրի ղեկավար Սեւակ Խաչատրյանի ուղեկցությամբ եւ «Տաշիր» բարեգործական հիմնադրամի ներկայացուցիչների հետ համատեղ դիտարկել է սեպտեմբերի 13-14-ին Ադրբեջանական ագրեսիայի հետեւանքով ավերված բնակարանների վերականգնման գործընթացը Սոթք բնակավայրում։ Այս մասին հայտնում է մարզպետն իր ֆեյսբուքյան էջում:
Նրանք այցելել են երկու տասնյակից ավել վերականգնված կամ վերականգնման փուլում գտնվող բնակարաններ, զրուցել բնակիչների հետ, տեղում ծանոթացել շինարարական աշխատանքների ընթացքում ի հայտ եկած հիմնախնդիրներին եւ տվել համապատասխան հանձնարարականներ։
«Տաշիր» բարեգործական հիմնադրամի ներկայացուցիչը ներկայացրել է այն վերականգնողական աշխատանքները, որոնք իրականացվել ու դեռեւս ընթանում են հիմնադրամի կողմից տրամադրված միջոցներով։
Այցից հետո նույն թեմայի շուրջ խորհրդակցություն է անցկացվել անցկացրի Վարդենիսի համայնքապետարանում`անհրաժեշտ ցուցումներով եւ հանձնարարականներով։
Մարզպետը նշել է, որ Սոթքի ավերված բնակարանների վերանորոգման գործընթացում տեսանելի ու նշանակալի աշխատանք է իրականացրել «Տաշիր» բարեգործական հիմնադրամը, եւ այցի հիմնական նպատակներից մեկն էլ այն է եղել, որ «Տաշիր»-ի հետ հստակեցնել ու փոխլրացրել են համագործակցության շրջանակները։
