Forbes ամսագիրը հրապարակել է 2022 թվականի 10 լավագույն ռեստորանների ցանկը՝ այն ուտեստները, որոնք պետք է փորձել։ Ցանկում ընդգրկված է Հայաստանի Գեղարքունիքի մարզի համանուն գյուղում գտնվող հայկական «Ծաղկունք» ռեստորանը։
Ինչպես նշել է ընտրանու հեղինակը՝ ցանկում ընդգրկված տասը ռեստորանները հարմարվել են և պահպանվել՝ չնայած համաճարակային իրավիճակին: Ոմանք ունեն Միշլենի աստղեր, իսկ մյուսները նույնիսկ ճաշացանկ չունեն, բայց դրանք բոլորը հիշեցնում են մեզ ռեստորան բառի ծագման մասին՝ վերականգնել, հոգ տանել, ստիպել ձեզ լիարժեք զգալ:
«Ծաղկունք» հայկական ռեստորանը գտնվեց, երբ հավաքածուի հեղինակները՝ Forbes-ի լրագրողը, Noma-ի հիմնադիր շեֆ-խոհարար Մադս Ռեֆսլունդի հետ համագործակցեցին հայկական ռեստորանի անձնակազմի հետ՝ բարձրացնելու տեղական խոհանոցը։
Հեղինակը հիշել է շեֆ-խոհարար Սուսաննա Ղուկասյանի և իր թիմի պատրաստած նախաճաշը՝ «թարմ և ապխտած պանիրների տեսականու, թարմ խոտաբույսերի, լավաշի, ձվով ուտեստների, լազանիայի, ավելուկի հյուրասիրությունը»։ Հեղինակը հավանել է հատկապես «ash reshteh»-ը՝ պարսկական լապշա ապուր բույսերով, լոբիով և թթու մածունով:
Նշենք, որ առաջարկվող ռեստորանների ցանկը ներառում է հաստատություններ Իտալիայից, Իսպանիայից, Պորտուգալիայից և Ռումինիայից:
