2019 թվականի հրդեհից հետո Փարիզի Աստվածամոր տաճարի վերակառուցման շրջանակներում իրականացվող կանխարգելիչ պեղումների ժամանակ հնագետները հայտնաբերել են մի քանի դամբարաններ և կապարից սարկոֆագ: Այս մասին հայտնում է երկրի մշակույթի նախարարության կայքը։
Ենթադրվում է, որ թաղումն արվել է 1300-ական թվականներին՝ տաճարի կառուցումից մեկ դար անց։ Սարկոֆագի բնութագրերը և գտնվելու վայրը ցույց են տալիս, որ այն թաղվել է բարձրաստիճան պաշտոնատար անձի կողմից:
XIX դարի ստորգետնյա ջեռուցման համակարգի աղյուսե խողովակների մեջ ընկած սարկոֆագը դեֆորմացվել է հողի և քարերի ծանրության տակ։
Պեղումներն իրականացվել են շինարարության համար անհրաժեշտ փայտամածները տեղադրելուց առաջ՝ հողի կայունությունը ստուգելու համար։ Սարկոֆագից բացի, գիտնականները հայտնաբերել են քանդակներ, օրինակ՝ մի քանի ձեռք։
