Երեկ՝ մարտի 27-ին, տեղի ունեցավ «Օսկար» 94-րդ մրցանակաբաշխությունը։ Հայտնի են նոր մրցանակակիրների անունները:
«Լավագույն ֆիլմ», «Երկրորդ պլանի լավագույն դերասան» և «Սցենարի լավագույն ադապտացիա» անվանակարգերում հաղթեց «Կոդա» ֆիլմը, իսկ «Լավագույն ռեժիսոր» անվանակարգում՝ «Շան իշխանությունը»։
«Լավագույն դերասան» ճանաչվեց Ուիլ Սմիթը՝ «Ռիչարդ արքան» ֆիլմի համար, իսկ «Լավագույն դերասանուհի»՝ Ջեսիկա Չեսթեյնը՝ «Թեմի Ֆեյի աչքերը» ֆիլմի համար։
«Ավազաթումբ» ֆիլմը «Օսկար» ստացավ միանգամից մի քանի՝ «Լավագույն վիզուալ էֆեկտներ», «Լավագույն հնչյունային ձևավորում», «Լավագույն օպերատորական աշխատանք», «Լավագույն բեմադրող նկարչի աշխատանք», «Լավագույն մոնտաժ» և «Լավագույն երաժշտական ձևավորում» անվանակարգերում։
